27 años después

Por Álvaro Basanta

El sábado volvimos a A Coruña, disfrutamos de una extraordinaria comida, una cálida sobremesa y una “previa” deliciosa. Después en el partido apoyamos al máximo a nuestro Breogán con nuestros cánticos y nuestros gritos de aliento, tuvimos el corazón en un puño con los tiros libres de Álex López y estallamos de júbilo cuando forzamos la prórroga.

Leyma Natura vs Breog__n Lugo  _Foto Patricia Mu__oz-Ayala_ _24_

Seguir lendo 27 años después

Advertisements

Análise Basquet Coruña

Leyma Natura Basquet Coruña vs Breogán Ribeira Sacra (Palacio de Riazor, sábado 19:00 h).

Breogán: 3º (11-4), +1.

Coruña: 4º (10-5), -1.

 

Decimosexta xornada da LEB Ouro e derbi galego na cidade herculina no que será un partido chave nas aspiracións do conxunto celeste.

O Breogán, que vén de gañar ó Barcelona B no Pazo Universitario nun partido máis igualado do previsto, viaxará a Coruña co obxectivo de acadar unha vitoria que reforce aínda máis a moral dun conxunto que comeza un tramo de liga especialmente duro e que dirimirá o futuro dos lucenses de cara ó ascenso directo de categoría, situandoos como máximos candidatos á primeira praza ou afastandoos da mesma.

O equipo de Lisardo Gómez contará co apoio da fiel parroquia celeste, no que se presume como o maior desprazamento da marea celeste no que vai de tempada. Espéranse máis de 300 lucenses en Riazor.

O equipo de Tito Díaz, único capaz de gañar en Lugo no que vai de tempada (60-63), está formado por:

 

Bases:

Ángel Hernández: repite no conxunto herculino este xove base que vai medrando ano a ano no seu xogo. Correcto director, físico, presenta unha boa man dende a liña de 3. En pouco máis de 22 minutos, 4,6 puntos, 3,8 rebotes e 1,8 asistencias para 6,1 de valoración. 48% en triplas.

Óscar Herrero: logo dun ano en Prata, regresa a Ouro da man de Coruña. Discreto numericamente, esperábase este ano máis del. Moi rápido e bo tirador. En 18 minutos, 3,7 puntos, 1,9 rebotes e 1,1 asistencias para 3,7 de valoración. 40,5% en triplas.

Aleiros:

Jesús Castro (MVP): escolta moi experimentado na categoría. Referente exterior do conxunto de Tito Díaz. Será dúbida ata o último momento por lesión. Intenso en defensa, decente tirador e bo penetrador. En case 30 minutos en pista, 14,6 puntos, 3,6 rebotes e 2,9 asistencias por partido para 15,6 de valoración cun 33% en tiros de 3.

Sean Ogirri: o escolta dominicano chegaría a Coruña logo de dous anos en Lugo. Moi bo manexo de balón, gran técnica individual e moi bo tirador de 3 puntos se entra en racha e nos momentos quentes de partido. Capaz do mellor e do peor, parece que está a atopar certa regularidade no conxunto herculino. En case 26 minutos, 12,5 puntos, 2 rebotes e 1,1 asistencias para 9,2 de valoración. 40,7% en triplas.

Carlos Noguerol: este canteirán só disputou 4 partidos no que vai de tempada. Bo sabor de boca nos poucos minutos de que dispón. En 9 minutos de media, 3 puntos e 2 rebotes.

Samuel Haampa: aleiro alto internacional con Finlandia, logo dunha chegada tardía a Coruña, vai atopando o seu lugar co paso das xornadas. Bo tiro exterior. En 24 minutos, 5,7 puntos e 2,8 rebotes. Importante nos esquemas de Tito Díaz a pesar da pouca presenza numérica.

Pívots:

Javi Lucas: “4” aberto que repite en Coruña e que está a dar un moi bo rendimento. Físico e con boa man, en tan so 15 minutos promedia 6 puntos e 4,2 rebotes para 10,1 de valoración.

Omondi Amoke: xogador xusto de centímetros para a posición pero moi intenso entrando a canastra e en accións defensivas. Xoga de cara ó aro e gusta de finalizar con mate. En 18 minutos, 7 puntos e 5 rebotes para 7,3 de valoración.

Mario Cabanas: interior moi rocoso e duro en defensa. Coñecedor da categoría, intenso e atento ó rebote. En pouco máis de 23 minutos, 8,3 puntos e 5,1 rebotes para 10,8 de valoración.

Jason Cain: un dos referentes interiores do Leyma Coruña e unha das sorpresas agradables na categoría. Xogador moi intimidador e potente. Boa técnica e decente tiro a media distancia e preto do aro. En pouco máis de 23 minutos, 10,8 puntos e 6 rebotes para 10,6 de valoración.

 

Rankings Individuais Liga en Top 10:

Anotación: Jesús Castro (4º)

Recuperacións: Jesús Castro (4º)

Tapóns a favor: Javi Lucas (6º)

Mates: Omondi Amoke (7º)

Faltas recibidas: Jesús Castro (2º)

Valoración: Jesús Castro (7º)

 

Atención a:

Dureza dun boloque sólido: O Leyma Coruña é conxunto, como xa demostrou en Lugo, moi sólido e difícil de atacar. Un equipo no que destaca o conxunto fronte as individualidades.

Jesús Castro: o xogador referente do conxunto coruñés será dúbida ata o último momento por lesión. Unha baixa moi importante nun conxunto non excesivamente longo.

Marea celeste: Máis de 300 seareiros lucenses se darán cita en Riazor para acompañar ao conxunto breoganista. Ademais, dous dos novos conselleiros viaxaran no autocar do equipo en representación da entidade celeste.

Análise F.C.Barcelona

C.B. Breogán Ribeira Sacra vs F.C. Barcelona (Pazo dos Deportes – Sábado 19:15h)

Breogán: 5º (10-4), -1.

FCB: 14º (2-11), -5.

 

Primeiro partido como local para o Breogán na segunda volta da LEB Ouro, na que será a 15ª xornada de liga e que achegará a Lugo ao filial blaugrana.

Os homes de Lisardo Gómez veñen dunha dolorosa derrota na difícil cancha de Pumarín ante un dos equipos revelación deste ano, o Unión Financiera Oviedo.

A priori, o partido deste sábado preséntase como a oportunidade idónea para que o conxunto celeste consiga unha nova vitoria que permita esquecer o gris encontro da pasada xornada en Oviedo, ante un conxunto que ata o momento so conseguiu dúas vitorias en 13 xornadas (disputaron un partido menos que o Breogán).

A pesar da traxectoria do conxunto catalán, o conxunto breoganista debe evitar calquer tipo de relaxación ante un equipo cheo de xóvenes promesas cargadas de gran talento individual.

O conxunto que dirixe Aleix Durán está formado por:

Bases:

Josep Pérez: base moi rápido e que repite no conxunto catalán en Ouro. Moi bo tirador exterior. Case 20 minutos en pista para 7 puntos, 2 rebotes e 1,5 asistencias cun 41,7% en triplas.

L. Hakanson: base-escolta sueco de gran talento individual. Disputa uns 24 minutos por partido anotando 8,5 puntos e repartindo un total de 2,5 asistencias de media.

Aleiros:

Ferran Laviña: experimentado escolta con moitos anos na ACB (maioritariamente en Manresa). Aporta a veteranía necesaria a un conxunto moi xoven. 17 minutos en pista para 2,7 puntos e 2 rebotes.

Oriol Paulí: unha das referencias exteriores do conxunto blaugrana. Moi físico e reboteador, este escolta promedia algo máis de 24 minutos de media en pista para un total de 10,5 puntos e 4,7 rebotes.

Xavier Moix: moi pouco protagonismo para este xoven canteirán. 2,5 puntos e 1,2 rebotes en 8 minutos.

Marc García: este aleiro manresano está a dispoñer de bastantes minutos esta tempada no filial catalán. 23 minutos de media, 11,8 puntos e 2 rebotes. Boas porcentaxes dende a liña de 3 puntos (44%).

Adriá Cantenys: aleiro físico e con boa man. Pouco protagonismo ata o momento. 1,3 puntos en 7 minutos.

Pívots:

Alexander Zhigulín: catro aberto que repite en Ouro no filial blaugrana. Bo tiro exterior. Promedia algo máis de 15 minutos en pista 5,2 puntos e 1,7 rebotes.

N. Spires: tamén repite en Ouro no conxunto catalán este interior sueco.  En 20 minutos 6 puntos e 5,5 rebotes de media.

Papa Mbaye: xogador moi interior con minutos en ACB que aporta dureza e intimidación ao conxunto barcelonista. Xogador duro que disputa 23 minutos de media anotando 6,7 puntos e capturando 5,3 rebotes para 9,7 de valoración. Bo taponador.

Emir Sulejmanovic: outra das referencias interiores é este xoven finlandés. Moi bo reboteador, promedia 7,1 puntos e 7,2 rebotes en algo máis de 19 minutos en pista.

 

Rankings Individuais Liga en Top 10:

Rebotes: Emir Sulejmanovic (6º)

Pérdidas: Josep Pérez (5º), Hakanson (8º)

Tapóns a favor: Sulejmanovic (10º)

Tapóns en contra: Hakanson (6º), Paulí (7º)

Faltas cometidas: Spires (1º)

 

Atención a:

Experiencia celeste: a maior experiencia do conxunto breoganista debe impoñerse ante un conxunto moi xoven que ata o momento aínda non foi capaz de gañar a domicilio no que vai de liga.

Necesidade de vitoria: o conxunto celeste precisa desta vitoria para non descolgarse dos primeiros postos da clasificación.

Palco: será o primeiro partido no Pazo logo da dimisión dos conselleiros non políticos e tras unhas semanas moi movidas no ámbito institucional. Polo momento, Antón Veiga, Álvaro Santos e José Manuel Arias son os rectores celestes.

 

Días compricados para o breoganismo

breoganismoenloita

Xa é coñecido dende hai moito tempo que a Deputación ía saír do accionariado do C.B. Breogán SAD. Esta nova causou gran inquedanza dende un primeiro momento, xa que se vía perigar a subsistencia dun club que semellaba só poder sosterse economicamente baixo o goberno de ente provincial. Hoxe aparecen outras vías, que debemos valorar con cautela.

Seguir lendo Días compricados para o breoganismo

Análise Unión Financiera Oviedo

C.B. Breogán vs Unión Financiera Baloncesto Oviedo (Pumarín, Sábado 19:30 horas).

Breogán: 3º (10-3), +4.

Oviedo: 4º (9-4), +3.

 

Comeza a segunda volta na Leb Ouro para un Breogán que chegará a Oviedo coa mellor xeira aberta da liga logo de gañar con claridade ao Clínicas Rincón. Unha primeira volta na que o conxunto celeste amosou unha gran imaxe e na que polo basket average xeral quedaría fora da Copa Príncipe a pesar de estar empatado a vitorias cos dous primeiros clasificados e de haber gañado os respectivos encontros contra eles.

Unión Financiera Oviedo está a ser un dos conxuntos revelación desta Leb Ouro, situado en cuarta posición cunha vitoria menos que os lucenses e sen coñecer ata o momento a derrota en propia cancha.

O que será un novo desprazamento en masa para a parroquia celeste, verase condicionado polo reducido aforo do Polideportivo de Pumarín (menos de 1000 localidades) o que fará que moitos lucenses se queden sen entrada ao agotarse en 10 minutos as 50 reservadas polo C.B. Breogán para os seareiros breoganistas e ante a única posibilidade de compra presencial en taquilla durante os días de hoxe e mañá, coa previsión de que o sábado antes do partido xa estean agotadas.

O conxunto que dirixe Guillermo Arenas está formado por:

 

Bases:

Fran Cárdenas: O que fora xogador de Ourense Baloncesto está a ser un dos bases revelación da Leb Ouro. Logo do paso por Prata, está ante o ano da súa confirmación en Ouro. En case 25 minutos en pista, 8,4 puntos, 3,2 rebotes e 4,6 asistencias para 12,3 de valoración. Moi bo tirador de 3 puntos.

Ferran Bassas: Formado nas categorías inferiores do Joventut de Badalona, este xove base debuta en Ouro logo de destacar en Prata. Xoga 16 minutos de media para 4,5 puntos, 2,4 rebotes e 2,8 asistencias cun 45% en triplas.

Aleiros:

Víctor Pérez: Veterán escolta con experiencia nas categorías LEB e que está a plasmar un gran ano en Oviedo. Repite no conxunto asturiano e é un dos seus referentes exteriores. En 26 minutos anota 13 puntos de media cunha porcentaxe 43% dende 6,75.

Agustín Prieto: Toda a vida en Oviedo. Este escolta aportará intensidade e unha decente rotación exterior ao conxunto de Guillermo Arenas. 3,3 puntos en 13 minutos con boas porcentaxes exteriores.

Diego Sánchez: Tamén repite en Oviedo este veterán xogador que dispón no seu currículo con varios anos en ACB e unha longa traxectoria en Ouro. Boa temporada en Oviedo, xogador importante nos momentos quentes de partido. Promedia 10 puntos e 3,5 rebotes en 21 minutos con case un 50% en triplas.

Álvaro Muñoz: Cedido por Fuenlabrada. Xogador cunha interesante proxección. Disputa 23 minutos de media anotando 9,5 puntos e capturando 3,3 rebotes. Decente tiro dende 6,75 a pesar de non estar acadando unhas boas porcentaxes nesta faceta.

Adrián Macía: Veterán xogador que aporta rotación ao conxunto asturiano. 3,8 puntos en 9 minutos.

Pívots:

D.J. Fitzgerald: Ala pívot estadounidense que está ante o seu primeiro ano na Leb Ouro. Catro aberto que promedia 7,5 puntos e 2,5 rebotes en 17 minutos cun 48% en triplas.

Juan José García (MVP): Un dos referentes interiores do conxunto ovetense e revelación na Liga. Procese da liga EBA. Moi móvil e intenso, en 24 minutos 10,9 puntos e 6,8 rebotes para 13,3 de valoración.

Hector Macía: Moitos anos en Oviedo xunto co seu irmán Adrián, este experimentado interior aportará descanso aos homes importantes. En 12 minutos, 2,3 puntos e 1,2 rebotes.

Brandon Garret: Rookie americano que non está a ter moito protagonismo. Decente rotación para un xogador intenso e potente que nos 12 minutos que promedia, anota 4,8 puntos e captura 2,8 rebotes.

Kevin Van Wijk: Interior holandés moi duro que en 23 minutos promedia 8,8 puntos e 4,5 rebotes para 10,2 de valoración.

 

Rankings Individuais Liga en Top 10:

Rebotes: Juanjo García (7º)

Asistencias: Fran Cárdenas (2º)

Tapóns a favor: Juanjo García (8º)

Mates: Juanjo García (4º)

Faltas cometidas: Kevin Van Wijk (6º), Juanjo García (10º)

 

Atención a:

Oviedo Baloncesto é un plantel moi longo e que realiza continuas rotacións. O conxunto celeste viaxará mermado coa posible baixa de Roeland Schaftenaar e os problema arrastrados por Adrián Chapela.

O conxunto asturiano non perdeu aínda na súa pista no que vai de Liga e foi capaz de sacar adiante varios partidos complicados con finais igualados, nunha cancha pequena onde a afición apreta moito.

O conxunto celeste atoparase en fronte un equipo moi perigoso dende a liña de 3 puntos. Mellorar na defensa exterior e ser capaces de parar o seu ritmo de xogo pode ser clave no encontro deste sábado.