Análisis Cocinas.com

Cocinas.com vs Breogán (Palacio de Deportes da Rioxa, Venres 22, 21:00 horas – TELEDEPORTE)

Breogán: 2º (6-1), +4.

Cocinas.com: 12º (2-5), -3.

O Breogán, conxunto máis en forma do que vai de Leb Ouro con 4 vitorias seguidas, enfrontarase este venres en Logroño ao Clavijo Cocinas.com, o conxunto que acumula ata o momento a peor xeira de derrotas consecutivas, cun total de 3.

O que a priori podería parecer un partido fácil para o 2º clasificado da LEB Ouro, pódese converter nun partido trampa. O conxunto rioxano está formado por xogadores de moito talento individual; moitas caras novas que posiblemente estean a acusar unha falta de conxunción nestes inicios de campionato.

O Cocinas.com presenta ata o momento unha clara vocación ofensiva e o plantel máis longo dos 14 participantes na LEB Ouro, factor que pode ser clave á hora de enfrontarse ó curto conxunto celeste. Sen dúbida, unha proba máis para a rocosa defensa lucense.

O conxunto que dirixe Jesús Sala está formado por:

Bases:

Mikel Uriz: O ex – estudantil é un dos bases “top” da categoría. Desenrola o rol de base principal no conxunto rioxano acumulando un total de 23 minutos en pista. Logo dun inicio de liga un tanto irregular parece que volve a ser o xogador que foi o ano pasado. Base moi completo, é capaz de dirixir e anotar con solvencia. 7,7 puntos e 3,1 asistencias son os seus números.

Borja Arévalo: Repite o canteirán rioxano como parella de Mikel Uriz no posto de “1”. Xogador alto para a súa posición, promedia 18 minutos en pista e reparte un total de 3,7 asistencias por partido. Xoven xogador que medra ano a ano na categoría.

Álvaro Lobo: Xogador formado no Estudiantes de Madrid, procede da liga EBA. Pouco protagonismo cun total de 7 minutos por partido en pista.

Aleiros:

Álex Hall: Xoven escolta estadounidense que goza na Rioxa da súa primeira experiencia no baloncesto profesional. Chega cedido polo Fuenlabrada da Liga Endesa, o cal se faría cos seus servizos mediado o verán. Escolta tremendamente anotador. Perigoso dende a liña de 6,75. Promedia 11 puntos cun 37% en triplas nos 26 minutos que está en pista por partido.

Alfredo Ott: gran coñecedor das categorías FEB, este escolta estadounidense chegou á Rioxa procedente do Palencia da Leb Ouro. Moi perigoso dende a liña de 3, promedia 7,7 puntos cun 50% en triplas nos case 20 minutos que xoga por partido.

Alberto Ruíz de Galarreta: Un dos xogadores máis veteráns do equipo. Este rioxano, que militara cedido no 2003 no C.B. Sarria, por aquel entón vinculado do Breogán, é un dos referentes do Cocinas.com. Xogador moi perigoso en racha, promedia 10,7 puntos en 23 minutos, cunha porcentaxe en tiros de 3 do 38%.

Joan Tomás: Cuarto aleiro en minutos no conxunto rioxano. Repite como parella de Galarreta no posto de “3”. Interesante xogador de equipo que completa unha solvente rotación exterior.

Pívots:

C. Nwogbo: Xogador moi físico, potente e intenso que gustou no verán a un sector do club celeste. Xogador explosivo, está a gozar dunha rapidísima adaptación á categoría, promediando 12,1 puntos e 4,3 rebotes por partido. Máximo anotador e segundo xogador máis valorado do equipo con 12,9 puntos.

Daniel Martí: Xogador de rotación. En 10 minutos en pista, este ala-pivot anota uns 4 puntos de media por partido.

José Coego (MVP): Clásico xogador da Leb Ouro. Este interior nacional foi gañando protagonismo nos seus diferentes equipos co paso dos anos. Na actualidade, mostrase como un xogador moi rocoso e forte. Promedia 9,4 puntos e 7 rebotes para 13 de valoración nos 25 minutos que está en pista.

Ante Gospic: Xogador croata que disfruta do seu primeiro ano en España. Moi físico, en 15 minutos en pista aporta 5 puntos e 3 rebotes.

Dimitrov Marshavelski: Moi pouco protagonismo ata o de agora para este rookie. 6 minutos e 2 puntos de media.

Rankings Individuais Liga en Top 10:

Rebotes: Coego (7º)

Asistencias: Borja Arévalo (3º), Mikel Uriz (9º)

Balóns recuperados: Ott (10º)

Balóns perdidos: Hall (7º), Nwogbo (9º)

Mates: Nwogbo (3º)

Faltas Recibidas: Nwogbo (4º)

Atención a:

Defensas opostas: Veranse as caras na Rioxa a mellor e a peor defensa da liga.

Bases: Dani Rodríguez e Mikel Uriz. Dous dos mellores “1” da liga cara a cara.

Equipo longo: Plantel longo o do Cocinas.com sometido a constantes rotacións que pode desgastar ao curto plantel breoganista.

Talento exterior: amplo xogo exterior e de moito talento individual. Moi perigosos dende a liña de 6,75. Xogadores con gran vocación ofensiva.

Necesidade de victoria: o Cocinas.com precisa dunha vitoria de forma urxente. Afrontarán o partido como unha verdadeira final.

Advertisements

Posted on 20 Novembro 2013, in Encontros. Bookmark the permalink. Deixar un comentario.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

Baloncesto con P, de Palencia claro

todo por Palencia Baloncesto

@KIAenZona

Información sobre o Club Baloncesto Breogán S.A.D.

Blogoncesto

Información sobre o Club Baloncesto Breogán S.A.D.

ZonaOCB

Información sobre o Club Baloncesto Breogán S.A.D.